حیات طیبہؐ
نبی اکرم صلی اللہ علیہ وسلم کی ذات گرامی ہر مسلمان کے لئے خواہ مشرق میں رہتا ہو یا مغرب میں، ہر دور میں منبع ہدایت و رہنمائی ہے۔ اس لئے ایک مسلمان کی سی زندگی بسر کرنے کے لئے ہر لمحہ، ہر قدم پر اور زندگی کے ہر شعبے میں اسوئہ رسول صلی اللہ علیہ وسلم کی معلومات نہایت ضروری ہیں۔ اس ہی ضرورت کے پیش نظر سیرت پاکؐ پر بے شمار کتابیں لکھی گئی ہیں۔ لیکن ان میں سے اکثر تاریخی واقعات کا محض خشک مجموعہ ہیں از مشکل ہی سے کہیں حضورؐ کی داعیانہ اور سرگرم شخصیت کی جھلک ملتی ہے۔